- सरला सुवेदी , १ श्रावण / कोहलपुर
बांके युनेस्को क्लबले कोहलपुर नगरपालिका र खजुरा गाउं पालिकाकानवनिर्वाचित जनप्रतिनिधिहरुसंग सम्वन्धीत नगरपालीका र गाउंपालीका मै पुगेर साक्षात्कार तथा सम्मान कार्यक्रम गरेको छ ।
साक्षात्कार कार्यक्रममा कोहलपुर नगरपालिकामा मेयर लुट बहादुर रावतले नगरपालिकाको आर्थिक,सामाजिक र भौतिक विकासका लागी केन्द्र तथा स्थानिय सरकार र सहयोगी भएर अगाढी आउने साझेदार संस्था लगायत समग्र सरोकारवालाहरु संग समन्वय गरि नेतृत्वदायी भुमिका निर्वाह गरेर कोहलपुर नगरपालीकालाई मानवीय तथा भौतीक रुपमा उत्कृष्ट नगरपालीका बनाउन आफुले कुनै कसर बांकी नराख्ने प्रतिबद्धता ब्यक्त गनुभएको छ ।
त्यसैगरी सोही किसीमको साक्षात्कार कार्यक्रममा खजुरा गाउपालिकामा प्रमुख किस्मत कुमार कक्षपतिले समस्त खजुराको विकासका लागि आम नागरिकहरुको अधिकारमुखी र नतिजामुलक विकास लाई आत्मसाथ गर्दै स्थानिय विकासका लागी साझेदार संस्थाहरुससंग हात मिलाएर अगाढी बढने प्रतिवद्धता ब्यक्त गनु भएको थियो ।
कार्यक्रम कै अवसरमा स्थानिय जनप्रतिनिधीहरुले जनताको जनचाहना र राष्ट्रिय आवश्यक्ता अनुसार सक्रिय भएर कार्य गर्न आग्रह गदै युनेस्को क्लबले बांकेले नव-निर्वाचित जनप्रतिनिधिहरुलाई खादा ओढाएर सम्मान गरेको थियो ।
कार्यक्रममा संस्थाका व्यवस्थापक वसन्तकुमार वि.सि.ले आम-नागरिकको सर्वाङ्गिन विकासका लागी संस्थाले स्थानिय सरकारहरुसंग मिलेर हातमा हात र काधमा काध मिलाउदै काम गर्ने जानकारी गराएका थिए ।
अघि स्थानिय जनताको भावना अनुरुप करीब २५ बर्ष अघि अधिकारमा आधारित साझेदारीतामा विकास, शिक्षा, स्वास्थ, सुशासन एवम मानव अधिकारको क्षेत्रमा बांके युनेस्को क्लवले कार्य गदै आएको युनेइको क्लवका वरिष्ठ कार्यक्रम संयोजक रवि तुलाधरले जानकारी गराउनु भएको थियो ।
सो साक्षात्कार कार्यक्रममा कोहलपुर नगरपालिकाका उप–मेयर संजु चौधरी र खजुरा गाउपालिका उप–प्रमुख एकमाया वि.क., वडाध्यक्ष, कार्यकारी अधिकृत लगायत कर्मचारीहरुको सहभागिता रहेको थियो । यसै गरि संस्था सदस्य तथा कर्मचारीहरु मीना जोशी, लक्ष्मी बिस्ट, भगवती सहयोगी निशा रेग्मी, विध्या सुवेदी लगायतको सहभागिता रहेको थियो ।
बिभिन्न सुबिधाविहिन सिमान्तकृत बर्ग, समुदाय तथा गरिवमा पनि सवै भन्दा गरिव समुदायलाईआफ्नो विकासे अभियानको अग्रपंक्तिमा राख्दै विभिन्न विकासे तथा चेतमामुलक कार्य गर्दै आएको छ ।
संविधान कार्यन्वयन प्रक्रियामा रहेको मुलुकमा बाके युनेस्को क्लबले आम नागरिकको संवैधानिक अधिकारको ग्यारेन्टी गर्न राज्यको सहयोगी हातको रुपमा कार्य गर्दै आएको छ ।
भर्खरै आमनागरिकको हर्षोल्लासपुर्ण सहभागितामा सम्पन्न स्थानीय तह निर्वाचन पश्चात् नेपालको संविधान कार्यन्वयन सुरुवात भएको र त्यसको उपलब्धीका रुपमा आएको एउटा स्थानिय निकायमा सरकारको रुपमा स्थापित बाकेको ८ वटै स्थानिय तह र नवनिर्वाचित जनप्रतिनिधिहरु संग साक्षात्कार गर्दै स्थानीय तहको आगामी विकासको नमुना कस्तो हुने र यसमा वाके युनेस्को क्लबको भुमिका र दायित्व के हुने भन्ने वारे आफ्नो स्पस्ट कार्यक्रमको खाका तथा वजेट स्थानिय तहमा प्रस्तुत गरि विकासको समग्र अभियानलाई थप प्रभावकारी, जनमुखी, अधिकारमुखी तथा नतिजामुखी बनाउनका लागि सबै क्षेत्रको सहयोगको अपेक्षा रहेको युनेस्को क्लवका तर्फबाट क्लबका उपाध्यक्ष पञ्चम गुरुगले जानकारी गराउनुभएको थियो ।
हाम्रो संरचना । १ श्रावण २०७४, आईतवार १८:१७