१३ असोज, वीरगञ्ज/लागूऔषध कारोबारमा संलग्नलाई पक्राउ गरी छाडेको आरोपमा जिल्ला प्रहरी कार्यालय पर्साले २ प्रहरी नायव निरीक्षक सहित ६ प्रहरीलाई निलम्वन गरेको छ । 
लागूऔषध तस्करसित मिलोमतो गरेको प्रमाण भेटिएकाले प्रसौनि भाटाका प्रसनी अनिल महतो र सबैठबाका प्रसनी महानन्द यादवसहित ६ जनालाई निलम्बन गरी कारवाही प्रक्रिया अघि बढाएको जिल्ला प्रहरी कार्यालय पर्साका प्रहरी नायव उपरीक्षक प्रेमबहादुर शाहीले जानकारी दिनुभएको छ । निलम्बनमा पर्ने अन्य प्रहरीमा हवल्दार मनोज मण्डल, जवानहरु सञ्जय यादव, प्रदीप साह र असर्फी साह छन् ।
गत असोज ८ गते प्रसौनिभाटा चोकबाट चरेससहित एक भारतीय नागरिकलाई पक्राउ गरी कारवाही नगरी भगाएको उनीहरुमाथि आरोप लागेको छ । प्रहरी आचरणविरुद्ध काम गरेको पाइएकाले निलम्वन गरी कारवाही प्रक्रिया अघि बढाइएको जिल्ला प्रहरी कार्यालय पर्सा प्रहरी प्रवक्ता प्रहरी नायव उपरीक्षक प्रेमबहादुर शाहीलेबताए ।
हाम्रो संरचना । १४ आश्विन २०७४, शनिबार ०७:३०