२० कात्तिक,सिन्धुली/ सिन्धुलीको फिक्कल गाउँपालिका–४ टर्किवेशीमा बुलेरो जीप दुर्घटना हुँदा ४ जनाको मुत्यू भएको छ भने ७ जना घाइते भएका छन् । आइतबार राति करिब नौं बजेतिर भएको उक्त दुर्घटनामा फिक्कल–४ का अमरबहादुर दर्लामी, रामप्रसाद बराल, जीतबहादुर मगर र नरबहादुर बलम्पाखीको मृत्यु भएको प्रहरीले जनाएको छ । 
दुर्घटनाका घाइते छविराम बलम्पाखी मगर, बीरमान रोक्का मगर, मिठु मगर, मैना आले मगर, लोकबहादुर क्याप्छाकी मगरर लीलबहादुर मगरको स्थानीय शुभजीवन अस्पताल खूर्कोेटमा उपचार भइरहेको प्रहरीले जनाएको छ । गम्भीर घाइते एकजनालाई भने थप उपचारका लागि काठमाडौंस्थित बीएण्डबी अस्पताल लगिएको छ ।
खुर्कोटबाट खाङसाङ वेशीतर्फ जाँदै गरेको बा ७ च ३६९५ नम्बर जीप उकोलो चड्ने क्रममा सडकबाट झण्डै एक सय मिटर तल खसेको जिल्ला प्रहरी कार्यालय सिन्धुलीका डीएसपी विनोद शर्माले जानकारी दिनुभयो । शर्माका अनुसार शव पोष्टमाडमका लागि जिल्ला अस्पताल ल्याउने तयारी भइरहेको छ । जीपका चालक फिक्कल–३ का यज्ञबहादुर रानामगरलाई प्रहरीले नियन्त्रण लिएको छ ।
हाम्रो संरचना । २० कार्तिक २०७४, सोमबार १०:२७