३० कात्तिक, बुटवल / मच्छरबाट सर्ने रोग डेंगुको कारण बसटवलमा संक्रमण बाट भएका छन । डेंगुका रोगका बिरामी बढ्न थालेपछि स्थानीयवासीमा त्रासको बातावरण फैलिएको छ । डेंगु रोग फैलाउने लामखुट्टे नष्ट गर्ने र प्रत्येक घर-घर पुगेर नागरिकलाई सचेत गराउने काम पनि सुरु गरिएको छ । 
बुटवल उप- महानगर र जिल्ला जनस्वास्थ्य कार्यालय रुपन्देहीको अग्रसरतामा डेंगु रोगबिरुद्ध बिशेष अभियान सुरु गरिएपनि नागरिकमा त्रास कायमै रहेको छ ।
दलहरु भोट माग्न व्यस्त, जनता डेंगु नियन्त्रणमा
बुटवलवासी डेंगु विरुद्धको अभियानमा जुटीरहेका छन । बुटवल उप-महानगरपालिकाको स्वास्थ्य टोली, वडा अध्यक्ष, प्रहरी, जनस्वास्थ्य कार्यालयका कर्मचारी, स्वयमसेविका तथा टोल विकास समितिका सदस्यको सहभागितामा प्रत्येक घ-रघर पुगेर डेंगुबाट बच्ने उपायबारे सचेत गराउने काम गरेका छन् ।
बिहीबारसम्म ७ सय १५ जनामा डेंगु संक्रमण भेटिएको लुम्बिनी अञ्चल अस्पताल बुटवलले जनाएको छ । बुटवल उपमहानगरका उपप्रमुख गोमा आचार्यले डेंगुको कुनै बिशेष उपचार नभएकाले नियन्त्रणमा समस्या भएको बताइन ।
घरघरमा औषधि छर्कने र झुल बाँडिदै
डेंगुका बिरामीहरु बढेपछि अहिले बुटवलमा घरघरमा औषधि छर्कने र झुल बाँड्ने काम सुरु गरिएको छ । आफूहरु संवेदनशील रहेकाले भन्दै वडाअध्यक्षहरुले स्वास्थ्य स्वयमसेविका र टोल विकास समितिलाई सक्रिय बनाएर लामखुट्टेको टोकाइबाट बच्ने, वातावरण सफा राख्ने र पानी जम्ने खाल्डाखुल्डी पुर्न निर्देशन दिइएका छन् ।
बुटवलमा डेंगुका विरामी बढ्दै गएपछि अस्पतालमा समेत लामखुट्टे मार्ने औषधि छर्कने काम सुरु भएको छ । लुम्बिनी अञ्चल अस्पताल बुटवलसहित विरामीहरुको चाप भएका अस्पतालमा किट छर्कने काम भएको अस्पतालका मेडिकल रेर्कड अधिकृत लक्ष्मीराज रेग्मीले बताए । 
डेंगु नियन्त्रणका लागि विगतमा थालिएका कार्यक्रमलाई अझ प्रभावकारी वनाएका छौं,अहिले हामी घरघरमा औषधि छर्कने र झुल बाँड्ने काम थालिसकेका छौं ।’ रेग्मीले भने । रेग्मीका अनुसार सक्रमितहरु विभिन्न जिल्लाका रहेका भएपनि ८० प्रतिशत रुपन्देहीका रहेका छन । त्यसमा पनि ७५ प्रतिशत बुटवलका छन ।
बुटवलबाट ३७ वटा नमूना परीक्षणका लागि केन्द्रीय जनस्वस्थ्य प्रयोगशालामा पठाइएको थियो । रुपन्देहीका विभिन्न अस्पतालमा कार्यरत डाक्टर तथा स्वस्थ्यकर्मी गरी १२ जनामा डेगुको संक्रमण भएको रेग्मीले बताए ।
पछिल्ला दिनहरुमा दिनप्रतिदिन संक्रमण बढेपछि केही दिन अगाडि जनस्वथ्यको केन्द्रको टोलि पनि वुटवलमा आएर अध्ययन गरेको छ । लुम्बिनी अञ्चल अस्पतालमा स्वास्थ्य मन्त्रालयको टोलि समेत आएको थियो । स्वास्थ्य मन्त्रालयका सचिव डा. किरण रेग्मीसहितको टोलिले अस्पतालमा छलफल समेत गरेको थियो ।अझै पनि इपीडीमीयोलोजी तथा रोग नियन्त्रण महाशाखाको टोलीले वुटवलमा देखिएको डेंगुको बारेमा स्थलगत रुपमा निरीक्षण एंव अनुसन्धान गरिरहेको छ ।
दुई जना महिलाको मृत्यु
डेंगुको संक्रमणबाट साउन यता रुपन्देहीका एकजना र अर्घाखांची शितगंगाका एकजना गरी दुई जना महिलाको मृत्यु भएको छ । २०७४ साउनदेखि दशैंसम्म १६ जनामा मात्रै डेंगु देखिएकोमा दशैं लगत्तै डेंगुको संक्रमण हृवात्तै बढेर बिहीबार बिहान १० बजेसम्मे ७१५ पुगेको जनस्वास्थ्य कार्यालय रुपन्देहीका प्रमुख केहरसिंह गोदारले जानकारी दिए ।
दुई जना चिकित्सकसहित १२ जना स्वास्थ्यकर्मी, जनप्रनिधिहरुमा पनि डेंगु रोगको संक्रमण देखिएको थियो तर उपचार पछि निको भएको छ ।
लुम्बिनी अञ्चल अस्पताल बुटवलमा दैनिक ३० देखि ४० जना डेंगुका विरामी आउने गरेकोे अस्पतालका मेडिकल सुपरिटेण्डेन्ट डा. कृष्ण खनालले बताए ।
डेंगुको मुख्य चुनौती गाडीका टायर
डेगुको प्रकोप बढेपछि स्थानीय तहमा डेंगु नियन्त्रलाई प्रभावकारी बनाउन प्रकोप ब्यवस्थापन समितिले पनि सक्रियता बढाएको छ । समितिले कार्यक्रम प्रभावकारी बनाउने निर्णय गरेको छ ।
प्रहरी, स्वस्थयकर्मी, जनप्रतिनिधि, महिला स्वयमसेविकासहितको टोली ब्यापक परिचालन गर्ने निणर्य भएपछि सोही अनुसार कार्यक्रम भइरहेको जिल्ला जनस्वास्थ्य कार्यालय रुपन्देहीका प्रमुख केयरसिंह गोदारले बताए ।
त्यस्तै डेगु नियन्त्रणका लागि टायरहरु बढी चुनौतीका रुपमा पाइएको भन्दै टायरको ब्यवस्थापनमा लाग्ने पनि निर्णय गरिएको छ ।बुटवलमा रुपन्देहीसहित दाङ, गुल्मी, अर्घाखँची, पाल्पा, कपिलबस्तु, नवलपरासी, प्यूठान, बाग्लुङ र रोल्पाका बिरामीहरुको उपचार भइरहेको छ ।
डेंगु परीक्षणमा पैसा असुले कारबाहीः मन्त्री बोहरा
डेंगु रोगको संक्रमण परीक्षण निःशुल्क गराउन स्वास्थ्य मन्त्री दीपक बोहराले निर्देशन दिएका छन् । 
बुटवलमा डेंगुको संक्रमण बढेसँगै निजी क्लिनिकहरुले सरकारी अस्पतालमा निःशुल्क हुने परीक्षणमा दुई हजारदेखि तीन हजार रुपैयाँ शुल्क लिएको गुनासो बढेपछि स्वास्थ्य मन्त्रीले क्षेत्रीय स्वास्थ्य निर्देशक,जिल्ला जनस्वास्थ्य कार्यालय प्रमुख र लुम्बिनी अञ्चल अस्पतालका मेडिकल सुपरिटेन्डेन्टसहितको वैठकमा यस्तो निर्देशन दिएका छन् ।
उनले डेंगु परीक्षण गर्ने किट अस्पतालबाट लिएर निःशुल्क परीक्षण गर्न नीजि क्लिनिकहरुलाई निर्देशन दिंदै यदी शुल्क लिएको पाइए ती क्लिनिकहरु बन्द गराइदिने चेतावनी दिए ।
हाम्रो संरचना । ३० कार्तिक २०७४, बिहीबार १५:४२