हाम्रो संरचना आइतवार, अशोज १०, २०७८ 988 Views

नेत्र शाही/१४ माघ,जुम्ला/करदाता सेवा कार्यालय जुम्लाले ६ महिनामा ३ करोड  ९१ लाख राजश्व संकलन गरेको छ । कार्यालयले आर्थिक वर्ष ०७३र०७४ को ६ महिनाको अवधिमा ३ करोड ९१ लाख १९ हजार ९ सय २९ रुपैयाँ ५९ पैसा राजश्व संकलन गरेको कार्यालयका कर अधिकृत खडानन्द खत्रीले जानकारी दिनुभएको छ । ।

कार्यालयले आयकरबाट २ करोड ५३ लाख ७४ हजार ३ सय ८८ रुपैयाँ, बहाल करबाट १७ लाख ३१ हजार ९ सय ८० रुपैयाँ, ब्याजकरबाट १ लाख २४ हजार ३८ रुपैयाँ, मूल्य अभिवृद्धिकरबाट ९५ लाख ११ हजार ४ सय ५ रुपैयाँ, अन्तशुल्कबाट २३ लाख ६ हजार २ सय ३७ रुपैयाँ र शिक्षा सेवा शुल्क ७१ हजार ८ सय ७७ रुपैयाँ कर उठेको खत्रीले जानकारी दिनुभयो ।

उहाँका अनुसार जुम्लामा लक्ष्यभन्दा २ प्रतिशत बढी कर उठाइएको छ । ‘यो वर्ष  जुम्लाबाट ८ करोड ४२ लाख ७ हजार रुपैयाँ कर उठ्ने लक्ष्य छ’, कर अधिकृत खत्रीले भन्नुभयो,‘लक्ष्यभन्दा बढी कर उठ्ने आशा गरेका छौं ।’गएको वर्ष जुम्लामा ६ करोड ५४ लाख रुपैयाँ कर उठेको कार्यालयको तथ्यांक छ ।उज्यालोबाट