२७ जना यात्रु बोकेको लु२ख ९७५ नम्बरको बस बाटोबाट करीब २ सय मिटर तल खसेको छ । बस दुर्घटना मृत्यु हुनेमा नौ पुरुष र तीन महिला रहेका छन् ।

पाल्पाको लक्ष्मी बचत सहकारी संस्थाका पदाधिकारीहरु रामपुर सहकारी संस्थाको अवलोकन भ्रमणमा जाने क्रममा लक्ष्मी बचत तथा ऋण सहकारी सँस्था तानसेनका सदस्य चढेको लु २ ख ९७५ नम्बरकाे बस दुर्घटना भएको हो। 

घाइतेकाे युनाइटेड मिसन अस्पताल  र लुम्बिनी मेडिकल कलेजप्मा उपचार भैरहेकाे छ ।

पाल्पाका प्रहरी उपरीक्षक दिल्लीराज पन्तका अनुसार सदरमुकाम तानसेनबाट रामपुरतर्फ जाँदै गरेको लु२ख ९७५ नं को बस हुमिनमा दुर्घटना भएको हो ।

तानसेनबाट रामपुर जाँदै गरेको बस दुर्घटना हुँदा  १० जना घाइते भएका छन् । घाइते मध्ये एकको अबस्था गंभीर छ । दुर्घटनामा परी घाइते लार्इ उद्धार गरी अस्पताल लगिएको छ ।

मृतक  १३ को सनाखत भएको छ । बसमा २७ जना सवार थिए । सनाखत भएकामा:

  • विष्णुमान बज्राचार्य,
  • उहाँका भाई सचिन बज्राचार्य,
  • कृष्णमान शाक्य,
  • क्षेत्रमान शाक्य,
  • गीता बुढाथोकी,
  • कमला कार्की,
  • लोकप्रसाद ढकाल,
  • दुर्गाबहादुर सारु,
  • सुशील श्रेष्ठ,
  • देवेन्द्र प्रधान,
  • वसन्ती खाँड,
  • दुर्गा श्रेष्ठ र
  • कृष्ण्णबहादुर बोहरा

११ जनाको घटनास्थलमै र एक जनाको उपचारका लागि पाल्पा लैजानै गर्दा बाटोमा मृत्यु भएको जिल्ला प्रहरी  पाल्पाले जनाएको छ ।