हाम्रो संरचना आइतवार, मंसिर १, २०७६ 358 Views
Photo : Google

११ साउन नेपालगञ्ज/ आज शुक्रबार राति यो शताब्दीकै लामो खग्रास चन्द्रग्रहण लाग्ने भएको छ । यो ग्रहण ३ घण्टा ५५ मिनेट रहने छ । यो ग्रहण नेपालबाट हेर्न सकिने छ ।
आजशुक्रबार राति १२ बजेर ९ मिनेटमा ग्रहण सुरु हुनेछ भने १ बजेर १५ मिनेटमा चन्द्रमा पूरै ढाकिनेछ ।
शनिबार ििबहान ४ बजेर ४ मिनेटमा ग्रहण सकिनेछ । राति सवा १ बजेदेखि ३ बजेसम्म भने चन्द्रमा हल्का रातो रङको देखिनेछ । यसलाई ‘ब्लड मुन’ भनिन्छ । नेपाल एस्ट्रोनोमिकल सोसाइटीले गौशालामा रहेका तीनवटा टेलिस्कोपबाट ग्रहण हेर्न चाहनेका लागि विशेष व्यवस्था मिलाइएको जनाएको छ ।

सोसाइटीका अनुसार मौसम सफा रहे राति ११ बजेर ३० मिनेट देखि बिहान ४ बजेर ३० मिनेट सम्म ग्रहण हेर्न सकिनेछ । नासाले सम्पूर्ण एसिया, युरोप, अफ्रिका र अस्ट्रेलियाबाट पनि ग्रहण देख्न सकिने बताएको छ ।