Skip to content
२८ मंसिर,धनुषा/ धनुषाको महेन्द्रनगरमा बम विस्फोट हुँदा गम्भीर घाइते हुनुभएका प्रहरी निरीक्षकको धरान स्थित शिक्षण अस्पतालमा मुत्यू भएको छ ।
धनुषाको क्षीरेश्वरनाथ नगरपालिका वडानम्बर ५ महेन्द्रनगर शुक्रबार मध्यराति करीब साढे ११ बजे भएको बम विस्फोटमा इलाका प्रहरी कार्यालय महेन्द्रनगरका प्रहरी निरीक्षक अमिर दाहाल सख्त घाइते हुनुभएको थियो भने स्थानिय एकै घरमा बाबु-छोराको उक्त घटनामा परि मुत्यू भएको थियो ।
घटनामा महेन्द्रनगरमा शंकास्पद वस्तु राखिएको जानकारी पाएपछि बुझ्नका लागि घटनास्थलमा प्रहरी पुग्ने बित्तिकै बम बिस्फोट भएको थियो ।
बम विस्फोटमा स्थानीय ४६ वर्षका राजेश्वर साह र उनका छोरा अन्दाजी २४ वर्षका आनन्द साहको घटना स्थलमै मृत्यु भएको थियो।
विस्फोटमा परी प्रहरी निरीक्षक अमिर दाहाल र प्रहरी जवान रिजन महतो, मृतक घरमुली राजेश्वर साहका अर्का छोरा प्रकाश र छोरी अञ्जली गम्भीर घाइते भएकामा प्रहरी निरिक्षकको जनकपुर प्रादेशिक अस्पतालमा उपचार सम्भव नभएपछि उनीहरुलाई धरान लगिएको थियो । अन्य २ जना सामान्य घाइते भएको बताइएको छ।
हाम्रो संरचना । २८ मंसिर २०७६, शनिबार ०९:४६