जो थियो म सँग………
रहर थियो टलेर गयो, जो थियोे म सँग।
सँधैको लागि खलेर गयो,जो थियो म सँग।।
खाएको थियो नछुट्ने बाचा,सिंदुर भरेर,
तोडेर तर छलेर गयो, जो थियो म सँग।।
बलियो थियो भरको थाम,खै ले खाएछ ।
सकेन थेग्न ढलेर गयो, जो थियो म सँग।।
चट्टाने झैँ त्यो लाग्थेन गल्छ,साहस उ भित्र ।
तै पनि आज गलेर गयो,जो थियो म सँग।।
भक्कानो फुटी बगेर मूल, खहरे उर्लियो,
खरानी भयो जलेर गयो, जो थियो म सँग।
चिरञ्जीवी ढकाल
नेपालगञ्ज -२०
राँझा एयरपोर्ट, बाँके
हाम्रो संरचना । १९ भाद्र २०७७, शुक्रबार १२:१९