६ बैशाख,नेपालगञ्ज/ कोरोना संक्रमणका कारण सोमबार विहान नेपालगञ्ज स्थित भेरी अस्पतालमा २० बर्षिय स्टाफ नर्स अनिशा वलीको मृत्यु भएको छ ।
भेरी अस्पतालका प्रमुख डाक्टर प्रकाश थापाका अनुसार दांग तुल्सीपु वडा नम्बर ६ निवासी अनिशाको कोरोना संक्रमणका कारण गम्भीर बिरामी भई भेरी अस्पतालमा उपचार भइरहेकोमा सोमबार विहान १०:३० बजे मृत्यु भएको जानकारी दिनुभएको छ ।
दांग स्थित राप्ती लाइफ केयर हस्पिटल तुलसीपुरमा कार्यरत स्टाफ नर्स अनिशाको आमा पनि कोरोना संक्रमण बाट गम्भीर बिरामी भई अस्पतालमा उपचार भइरहेको छ।
तुलसीपुर उप-महानगरपालिका वडा नं. ११ स्थित बिवाह भएकी वलीले करिव २ महिना पहिले मात्रै छोरीलाई जन्म दिएको र सुत्केरी बिदा तुलसीपुर ६ स्थित माइती बसेको समयमा अनिशालाई वैशाख १ गते कोरोना संक्रमण पुष्टि भएको थियो।
तुलसीपुरका कोरोना फोकल पर्सन विमल केसीका अनुसार हालसम्म तुलसीपुरमा कोरोनाका कारण २५ जनाको मृत्यु भइसकेको छ।
हाम्रो संरचना । ६ बैशाख २०७८, सोमबार १३:५७