२६ बैशाख, नेपालगञ्ज/ यहि बैशाख ३० गते मतदान हुने स्थानिय निकायको निर्बाचनको लागी बांके जिल्लाका ८ वटा पालीकाबाट प्रमुख, उप–प्रमुख, वडा अध्यक्ष र सम्पूर्ण सदस्य सहित २ हजार ६ सय ६८ जनाले आफनो उम्मेदवारी दिनुभएको छ ।

निर्बाचन आयोगको पालिका स्तरिय कार्यालयमा आ–आफनो उम्मेदवारी दर्ता गराएर निर्बाचनमा होमिनुभएका उम्मेदवारहरुले जनताको घर दैलोमा पुगेर आफुलाई मत दिन आग्रह सहितका पर्चा पम्पलेट, प्रतिदद्धता पत्र दिएर प्रचार प्रसारको अन्तीम चरणमा रहनुभउको छ ।

बांके जिल्लाको ८ वटा पालिकामा हाल सम्मको गरिएको अध्ययनको क्रममा सबै पालिकाहरुमा उम्मेदवारहरुले प्रचार–प्रसारको काम सौहार्द र शान्तीपुर्णरुपमा सम्पन्न गरिसकेका छन ।

केही छिटफुट ठाउंमा मत माग्न र आ–आफनो जनप्रर्दशन गर्दे भोली अर्थात २७ गते राती १२ बजे बाट प्रचार प्रसारको काम सम्पन्न हुदैछ ।
यस पटकको निर्बाचनमा जनताको प्रत्यक्ष घरदैलोमा प्रभाबित पार्ने आफना जनप्रतिनिधि स्वतन्त्रपूर्वक चुन्न सर्वसाधरणमा गठबन्धनको नाममा केही समस्या खडा गरेपनि जनताको भने त्यसको खासै असर देखिएको छैन ।

बांके जिल्लाको ८ वटा पालिका मध्य पश्चिम नेपालकै एतिहासिक र पौरानिक शहर नेपालगञ्जमा के कस्तो ब्यक्तीले नेतृत्व सम्हाल्दा राम्रो हुन्छ भन्ने बिषयमा बिभिन्न माध्यमहरु मार्फत छलफल तथा चर्चा सुरुभइसकेको अवस्था छ ।

नेपालगञ्ज उप–महानगरको मेयर पदमा ५ जना स्वतन्त्र सहित १७ जना मेयर पदका उम्मेदवारहरु रहनुभएको छ । त्यसैगरि उप–मेयरमा सबै दलहरुबाट प्रतिनिधित्व गदै ९ जना उप–मेयरको उम्मेदवार हुनुहुन्छ । मेयर उप–मेयर सहित नेपालगञ्ज उप–महानगरमा ७ सया ७१ ज्नाले बिभिन्न पदको लागी उम्मेदवारी दिएर निर्बाचनमा होम्मिएको अवस्था रहेको छ ।

नेपालगञ्ज उप–महानगरको मेयर पदमा स्वतन्त्र उम्मेदवारमा हेल्थ फिटनेश जस्ता सोसिएल कल्ब देखि आफनै कृर्षि उधमीमा ब्यस्त इन्जिनियरका बिद्यार्थी दिनश थापा देखी एबिसि नामक निजि बिद्यालय सञ्चालक बिकाश बहादुर सिंह सम्मका ब्यक्तिहरु मेयर पदको लागी स्वतन्त्र उम्मेदवारी हाल्नुभएको छ ।

त्यसैगरि केही दलहरुले गठबन्धनको क्रममा खुराफाती दिमागका साथका यस्तो बेला स्वतन्त्र उम्मेदवार दिएर आफनो मत सुरक्षित गर्ने पनि उपाय निकाल्ने तरिका पुरानो होइन र नेपालगञ्जमा स्वतन्त्रमा अन्य उम्मेदवारहरुमा कमलेश कुमार पाठक, मोहम्मद अजुव हल्वाई र मोहम्मद फैज हुनुहुन्छ ।

निर्बाचनको पूर्वसन्ध्यामा फुटाईएका २ वटा राप्रपा मध्य कमल थापा राप्रपाबाट औषधी ब्यबसायी अभय कुमार बस्नेत र अर्को लिंगदेलको राप्रपाबाट माओबादीबाट टिकट नपाउने निश्चित भएपछी उम्मेदवारको अघिल्लो दिन माओबादी छोडेर राप्रपामा प्रबेश गरेका नन्दलाल बैश्य मेयर पदमा उठनुभएको छ ।

त्यसैगरि नेकपा माओबादी समाजबादीबाट कुमारी अनिता बैश्य, मजदुर किसान पाटीृबाट डिल्ली पुन, जनमत पार्टीबाट प्रहलाद अहिर, नेश्नलिष्ट पार्टीबाट भुवन कृष्ण श्रेष्ठ, लोसपाबाट महम’द आलम सिद्धिकी, नेकपा मालेबाट मेवालाल हलवाई, जनता दलबाट सेर बहदुर खां र जनता प्रगतिशिल पार्टीबाट रमेश चन्द्र कुम्हार रहनुभएको छ ।

यी साना दलहरुको खासै बजारमा चर्चा परिचर्चा रहेको पाइदैन भने स्वतन्त्र जतिसुकै राम्रो बलिया उम्मेदवार भएपनी दल बिना जित्न बिरलै सम्भावना रहेको बिगतका तथ्यांकहरुले देखाउने गरेको छ ।

हल चर्चाको शिखरमा रहेको नेकपा एमाले पार्टीबाट स्थानिय पशुपति दयाल मिश्रा र नेपाली कांग्रेस बांकेबाट धेरै सिनियरहरुलाई पछी पार्दै टिकट हात पार्न सफल प्रशान्त बिष्टको अन्य स्वतन्त्र र साना दलहरुका उम्मेदवार भन्दा अली बढी चर्चा रहदै आइरहेको छ ।

स्थानिय निर्बाचनले आफनो सरोकार राख्ने बिषयसंग प्रत्यक्ष जोडिएको बिषय भएकाले राम्रो राजनितिक दल त्यसको असल नेतृत्वका साथै सरल र आफनो सहज पहुचयोग्य, योग्य, सक्षम र भिजनरी ब्यक्तीलाई उप–महानगरको मेयर पदका लागी आफनोे आफनो अमुल्य मत दिने बिश्वास गरिन्छ ।

नेपालगञ्जमा २३ वटा वडाका लागी १ वडा अध्यक्ष र ४ सदस्य सहित प्रत्यक वडामा ५ जनाका दरले ११५ जना र २ जना मेयर र उपमेयर सहित ११७ जना निर्बाचित हुनेछन ।

त्यसैगरि कोहलपुरमा १५ वडा र मेयर उपमेयर सहित ७७ जना, खजुरा नगर उन्मुख गाउंपालिकामा अध्यक्ष र उपाध्यक्ष सहित ८ वडाका सबै गरि ४२ जना , बैजनाथ गाउंपालिकामा पनि ४२ जना, राप्तीसोनारी गाउंपालिकामा अध्यक्ष, उपाध्यक्ष सहित ४७ जना, जानकी, डुडुवा र नरैनापुर गाउंपालिकामा ६÷६ वटा वडा रहेकाले ३२÷३२ जना गरि बांके जिल्लामा कुल ४ सय २१ जना निर्बाचित हुनुपर्नेमा २ हजार ६ सय ६८ जनाले उम्मेदवारी दर्ता गरि निर्बाचनमा होमीनुभएको छ ।

बांके जिल्लामा बिभिन्न पदमा उम्मेदवार बन्नु भएका सबै २६६८ जनाको नामावली बिवरण…….