२८ कार्तिक, नेपालगञ्ज/ बाँकेको नरैनापुर गाउँपालिका वडा नम्बर ४ पण्डितपुर्वाका लखन गडरियाको शनिबार सामूदायिक वनमा शव फेला फेला परेको छ ।
शनिवार दिउसो गाई चराउन सामूदायिक वनमा गएको समयमा गोठालाहरूले क्षतविक्षत अवस्थामा रहेको शव फेला पारेपछी स्थानिय प्रहरी चौकी नरैनापुर मा खबर गरेका थिए ।
घटनाको जानकारी आए लगतै शनिवार अपरान्ह नै चौकी इन्चार्ज फत्ते हमाल सहितको टोली घटना स्थाल पुगेको स्थानियले जानकारी दिनुभएकी छ ।
घटनास्थलमा फेला परेको शवमा शरीरको पछाडीको भाग नरहेको शरीरभरी चिथोरिएर घाउहरु भएकोले उक्त ब्यक्तिलाई बाघले आक्रमण गरेर मारेको हुनसक्ने प्रहरी र स्थानियले आशंका गरेका छन्।
मृत्यु अवस्थामा फेला परेका लखन गाई चराउन २५ गते जंगल गएको र फर्केर नआएपछि खोजतलास गर्दा शनिवार साँझ जंगलमा शव फेला परेको हो।
घटनास्थल नजिकै बाघले एउटा गाईसमेत मारेको र बाघ कराएको सुनेको स्थानियले बताउनु भएको छ ।
नरैनापुरको पर्यटकस्थल गोवद्र्धन धामदेखि करीब ५ किलोमिटर पूर्वपट्टी सामुदायिक जंगलमा गडरियाको शव फेला परेपछी स्थानिय वासीहरुमा थप सर्तकता अपनाउन प्रहरीले अपिल गरेको भोजभगवानपुर इलाका प्रहरी कार्यालय बाँकेका प्रमुख प्रहरी निरिक्षक बसन्त गौतमले बताउनुभएको छ ।
हाम्रो संरचना । २९ कार्तिक २०७८, सोमबार ०४:४५