नेपालगञ्ज १० साउन/ पश्चिम नेपालमा लागु औषधको बिगबिगी कस्तो छ भन्ने कुरा मंगलबार कोहलपुरमा प्रहरीले बजार मुल्य करोडौं रुपैया बरावरको ठुलो परिमाणमा लागु औषध अफिम सहित ३ जनालाई पक्राउ घटनाले थप उजागर गरेको छ ।
लागु औषध अफिम कारोबार गरीरहेका छन भन्ने बिशेष सुचनाको आधारमा लुम्विनी प्रदेश प्रहरी कार्यालय तुलसीपुर दाङ र ईलाका प्रहरी कार्यालय कोहलपुरबाट खटिको संयुक्त टोलीले साउन ९ गते दिउसो अन्दाजी ४:३० बजे बाँकेको कोहलपुर नगरपालिका वडा न.११ बसपार्क स्थित कोहलपुर कटेज रेष्टुरेष्ट एण्ड लजको कोठा न.१०६ मा ५ किलो ३६८ ग्राम अफिम ,३ थान मोबाईल सहित ३ जनालाई पक्राउ गरेको छ ।
पक्राउ परेका ब्यक्तिहरु :-
१.जुम्ला जिल्ला तिला गा.पा.वडा न.३ बस्ने बर्ष ४१ को हरी प्रसाद भट्टराई ।
२. सोही ठाउँ बस्ने बस्ने बर्ष ३० को देबी प्रसाद भट्टराई ।
३. ऐ.ऐ..बस्ने बर्ष ४० को भवानी प्रसाद भट्टराई ।
पक्राऊ परेका ब्यक्ति तथा घटताका सम्बन्धमा जिल्ला अदालत बाँके बाट दिन ५ दिन म्याद थप गरी आवश्यक अनुसन्धान भईरहेको कोहलपुर प्रहरीले जनाएको छ ।
हाम्रो संरचना । ११ श्रावण २०८०, बिहीबार ०५:४९