१५ चैत,मकवानपुर/ मकवानपुर जिल्लको राक्सिराङ गाउपालीका वडा नम्बर २ बस्ने ४२ बर्षीय राजकुमार मोक्तानलाई प्रहरीले ८० किलो अवैध लागूऔषध गाँजा सहित पक्राउ गरेको छ ।
मोक्तान सहितका ४र५ जनाले मनहरी गाउँपालिका–९ जयसिंह स्थित पूर्व–पश्चिम राजमार्गमा गाँजा ल्याउँदै गरेको सूचना प्राप्त भएपछि ईलाका प्रहरी कार्यालय मनहरीबाट विहीबार खटिएको प्रहरी टोलीले ४ वटा बोरामा रहेको उक्त गाँजा सहित उनलाई पक्राउ गरेको हो । केही अन्य फरार व्यक्तिहरुको प्रहरीले खोजतलास गरिरहेको छ ।
यसैगरी ईलाका प्रहरी कार्यालय नेवारपानीबाट मोवाइल गस्तीमा खटिएको प्रहरी टोलीले हेटौडा उपमहानगरपालिका–१९ दारीमटार स्थित पूर्व–पश्चिम राजमार्गबाट लागूऔषध गाँजा १ सय ५० किलो बरामद गरेको छ ।
प्रहरी टोली बुधबार राती उक्त स्थानमा पुग्दा गाँजा बोकेको व्यक्तिहरुले टाढैबाट प्रहरीलाई देख्नासाथ ६ वटा प्लाष्टिकको बोरामा रहेको उक्त गाँजा छाडेर भागेका थिए ।फरार व्यक्तिहरुको खोजतलास गर्नुको साथै यस सम्बन्धमा प्रहरीले आवश्यक अनुसन्धान गरिरहेको छ ।
हाम्रो संरचना । १५ चैत्र २०७४, बिहीबार १४:१९