नेपालगञ्ज ४ माघ / नेपालको प्रतिनिधिसभाको सभामुखमा नेकपा एमालेका देवराज घिमिरेले मनोनयन दर्ता गराउनुभएको छ । उहांको प्रस्तावकमा एमाले सुवासचन्द्र नेम्वाङ र समर्थकमा राप्रपा अध्यक्ष राजेन्द्र लिङ्देन‚ रास्वपा सभापति रवि लामिछाने र नेकपा माओवादी केन्द्रका हितराज पाण्डे रहनुभएको छ ।
झापा निर्बाचन क्षेनम्बर २ बाट निर्वाचित भएर पहिलोपटक प्रतिनिधिसभा सदस्य बन्नुभएका घिमिरे ०५६ मा राष्ट्रिय सभा सदस्य चुनिनुभएको थियो । उहां नेकपा एमालेको स्थायी कमिटी सदस्य पनि हुनुहुन्छ ।
सभामुख पदको बिहीबार हुने निर्वाचनका लागि बुधबार उम्मेदवारी मनोनयन गर्ने संघीय संसद् सचिवालयको कार्यतालिका सार्वजनिक गरेको थियो ।
नेपाली कांग्रेसले प्रतिनिधिसभाको सभामुखमा ईश्वरी न्यौपानेलाई उठाउने भएको छ । बुधबार बसेको कांग्रेस पदाधिकारी र पूर्वपदाधिकारीको बैठकले सभामुखका लागि न्यौपानेलाई अघि सार्ने निर्णय गरेको छ ।
हाम्रो संरचना । ४ माघ २०७९, बुधबार १४:५७